前世今生感悟錄

六個月了。屋苑內的寧靜早已消失無蹤，取而代之的，是一次又一次的喝駡聲，那刺耳的噪音令人難以安寧。

鄰居們早已習慣：喝茶時聽見它，

看報時聽見它，甚至在夜半夢醒時，

也彷彿能聽見它的回音。

沒有人知道爭吵的真正起因，

只知道那頂層的玻璃窗後，

吵鬧聲一日比一日激烈，

像是積壓已久的火藥庫，

連日來不斷爆發。

沒料到，

今天竟是鄰居聽到嘈吵謾罵聲的最後一天。

位於香港新界大埔坳半山的一處低密度住宅區內，

一棟三層高背山面海的洋房頂層單位，

每日每夜都迴盪著慧靈激烈的責罵聲。

這些聲音如怒濤般洶湧，

響徹整棟樓房，

驚擾著整個住宅區。

在這片本應鳥語花香、

微風拂樹的寧靜地方，

這樣的噪音顯得格外刺耳。

周遭的樹木彷彿都在瑟縮，

鄰居們只能無奈忍受這持續不斷的喧囂，

或者早已心中不斷埋怨，

為他們的清靜生活被打擾而煩躁。

2003年的一個午後，

帶著醉意卻依然言詞凌厲的慧靈，

站在客廳中央，情緒像燃燒的火焰般愈發難以控制。

她緊盯著偉明，語氣尖銳、毫不留情地叫囂著：

「偉明，你鍾意返去溫哥華繼續做你個奸夫角色，我唔阻你！

我哋呢個屋企，已經唔再需要你！

一陣飛嚟香港，一陣又飛返溫哥華，你而家好威咩？

有兩個住家咩？有兩個女人等緊你咩？

你自己揀嘞：如果你決定留喺香港，就唔好再飛去溫哥華；

否則，就索性留喺溫哥華，

唔好再返嚟我呢個屋企，我哋唔需要你喇！」

她的聲音在寬敞的客廳裡迴盪，聲音決絕。

偉明沉默地坐在梳化上，身體直挺挺地僵坐著，眼神空洞無神。

由於他的口材笨拙，因此從來不敢與慧靈爭辯，

更何況此刻，他連一句話都不敢說出口。

慧靈越說越激動，

內心的委屈和憤怒像決堤的洪水般湧出：

「你喺溫哥華啲朋友都返晒嚟香港，

你而家仲要飛返去，淨係為咗服侍人哋個老婆；

我嗰個唔知羞嘅大嫂！？

你唔使再扮曬好人喇，

你根本就係喺度勾緊大嫂呀！

你哋兩個喺嗰邊出雙入對，

唔知羞恥㗎咩？

你哋唔覺得難為情㗎咩！？

係天理不容呀！我

已經冇辦法再忍受你哋兩個狗男女，

你不如索性躝返去溫哥華，

以後唔好再踏入我屋企半步！」

～～～～～～

**第一章 . 慧靈今生的旅程。人生最大的轉捩點**